Uşaqlarda ayaq narahatlıqları
Valideynləri ən çox narahat edən ayaq və yeriş xüsusiyyətlərinin əksəriyyəti uşaq böyüdükcə dəyişən normal inkişaf mərhələləridir. Bu bölmədə hər birinin nə vaxt normal olduğu, nə vaxt müayinə tələb etdiyi və supinatorun burada nə rol oynaya biləcəyi izah olunur.
- Yastıpəncəlik (düzdabanlıq)kiçik yaşda çox vaxt normaldır.
- Ayaqların içəri və ya çölə dönməsiəksər uşaqlarda yaşla keçir.
- Tez yorulma və ayaq ağrısıböyümə ağrıları, idmanla bağlı daban ağrısı və həyəcan təbili çalan əlamətlər.
- Duruşayaq və duruş arasındakı əlaqə barədə nə məlumdur.
Böyüklərdə daban ağrısı, ayaq üstə iş, diz və bel ağrısı haqqında: Böyüklər üçün supinator.
O və X şəkilli ayaqlar normaldırmı?
Bəli, müəyyən yaşlarda. Körpələrin ayaqları çox vaxt O şəkillidir və təxminən 18 aylıqdan 2 yaşa qədər düzəlir; X şəkilli ayaqlar isə ən çox 3–4 yaşda nəzərə çarpır və adətən təxminən 7 yaşa qədər düzəlir. O şəkilli ayaqların 2 yaşdan, X şəkilli ayaqların 7–8 yaşdan sonra da qalması, əyriliyin bir tərəfli olması və ya artması, ağrı və ya boyun həmyaşıdlardan xeyli qısa olması həkimə müraciət səbəbidir. Xüsusi ayaqqabı və içliklər O və X şəkilli ayaqları düzəltmir.
Uşaq barmaq ucunda yeriyir — nə etməli?
Barmaq ucunda yerimə yeriməyə yeni başlayan uşaqlarda tez-tez olur və əksəriyyətdə 2–3 yaşa qədər keçir. İsveçdə aparılan tədqiqatda nə vaxtsa barmaq ucunda yeriyən uşaqların 79%-i 10 yaşa qədər heç bir müalicə olmadan normal yerişə keçib. Barmaq ucunda yerimə 3 yaşdan sonra da davam edirsə, dabanlar çömbələndə yerə toxunmursa, yalnız bir ayaqdadırsa və ya nitq və hərəkət inkişafında gecikmə varsa, uşağı həkimə göstərin.
Hansı hallarda dərhal həkimə müraciət etməli?
Uşaq ayağının üstünə basa bilmirsə, ağrı və ya axsama qızdırma ilə müşayiət olunursa, oynaq şişib qızarıbsa, həmin gün həkimə müraciət edin. Bütün əlamətlər: Nə vaxt mütəxəssisə müraciət etməli